Jahon banki granti doirasida,  “O‘zarxiv” agentligi huzuridagi arxiv ishi va ish yuritish bo‘yicha malaka oshirish ilmiy-metodik markazi bilan hamkorlikda Davlat kadastrlari palatasi hududiy boshqarmalari arxiv ishi bosh mutaxassislarining malakasini oshirishga mo’ljallangan o‘quv-kursi bo’lib o’tmoqda. 

Malaka oshirish maxsus o‘quv kurslari mazkur yo’nalish bo’yicha uzoq yillik tajribaga ega bo’lgan  Kadastr agentligi direktorining o'rinbosari  Abdullayev Abdushukur Hamidovichning chiqishlari bilan boshlandi. 

O’quv kursi davomida Kadastr idoralarining arxivlarini tartibga keltirish, hujjatlarni to’g’ri saqlash va foydalanish masalalari bo’yicha malakali mutaxassislar tomonidan nazariy va amaliy bilimlar berilmoqda. Seminar qatnashchilari  guruhlarga bo'lingan holda - arxiv ishi sohasi bo‘yicha normativ-huquqiy hujjatlar,  kadastr yig‘majildlarining shakllanishi va ularni hisobga olish  kabi yana bir necha  mavzularda  dars soatlari bo’lib o’tmoqda.